Увс аймагт нөхөн сонгууль болно

Энэ сарын 19-нд Увс аймагт нөхөн сонгууль явагдана. Учир нь тус аймгийн ИТХ-ын Өндөрхангай, Түргэн, Улаангом сумын дөрөвдүгээр багт явагдах нөхөн сонгууль болохоор товлогдож сонгуулийн хэсгийн хороодыг байгуулжээ. Ардчилсан намаас Өндөрхангай сумд Н.Чимэдцэрэн, Түргэн суманд Б.Ганхуяг, Улаангом сумын дөрөвдүгээр багт Ц.Отгонбямба нар нэр дэвшсэн. Харин МАН-аас Өндөрхангай сумд С.Бямбабаатар, Түргэн сумд Э.Балжинням, Улаангом сумын дөрөвдүгээр багт Н.Тагаа нар, МАХН-аас Өндөрхангай сумд Т.Батжаргал, Түргэн сумд Г.Алтанхуяг нар тус тус нэр дэвшихээр бүртгүүлсэн байна.