Өвсөөр бүтээл урлагч

БНХАУ-ын Хэбэй мужийн Жанжякоу хотын гар урлаач Хань Люе ургамлаар элдэв зүйл урладаг. Тэрбээр мөн Бээжин, Тяньжинь хот болон Хэбэй муж зэрэг газраар аялж, олон нийтийн арга хэмжээнд оролцохын хажуугаар өвсөн сүлжмэл хэрхэн урлах талаар үнэ төлбөргүй сургалт явуулдаг аж.

Урд хөршид эрт дээр үеэс уламжилж ирсэн гар урлалын гайхамшигт төрөл зүйлийн нэг нь өвсөн сүлжмэл. Өвсөн сүлжмэл нь тус улсын иргэдийн амьжиргааны хэрэгцээ, хэрэглээ байсан бөгөөд дүрслэх урлагийн төрөлд хамаардаг аж. Өвсөн сүлжмэл урлах гол материал нь зэгс, эрдэнэ шишийн холтос зэрэг уян хатан ургамал болдог юм байна.