Өвөлжилтийн бэлтгэл 88 хувьтай байна

Нийслэлийн өвөлжилтийн бэлтгэл ажил 88 орчим хувийн гүйцэтгэлтэй байна гэж албаныхан мэдэгдлээ. Нийслэлийн харьяа агентлагууд өвөлжилтийн бэлтгэл ажлаа тус бүр 70-аас дээш хувь гүйцэтгээд байгаа ажээ.

Тодруулбал, Нийслэлийн Эрүүл мэндийн газрын хувьд 83 хувьтай байгаа юм. Түүнчлэн хэд хэдэн эрүүл мэндийн төвийн барилгын ажил, засвар шинэчлэлт 80-аас дээш хувьтай байгаа бөгөөд түргэний машинуудыг оношлогоонд оруулж эвдрэл гэмтлийг засаж сэлбэн бүрэн бүтэн байдлыг нь хангаж дууссан байна. Мөн зарим эмнэлгийн их засварын ажлыг ирэх аравдугаар сард багтааж дуусгах төлөвлөгөөтэй ажиллаж байгаа талаар Улаанбаатар хотын Ерөнхий менежер Б.Бадрал хэллээ.