Өвөр Монголын гар урлалын үзэсгэлэн худалдааны борлуулалт хоёр сая юань давжээ
Уг үзэсгэлэнд Өвөр Монголын 500 гаруй аж ахуйн нэгжийн 5000 гаруй бүтээгдэхүүнийг танилцуулжээ.
Мэдээллийн алба
Өвөр Монголын гар урлал, инноваци, аялал жуулчлалын үзэсгэлэн худалдаа өнгөрсөн сарын 25-29-нд Хөх хотын олон улсын үзэсгэлэнгийн төвд болжээ. Уг үзэсгэлэн худалдааны үеэр интернет борлуулалт болон үзэсгэлэнгийн талбай дахь борлуулалтын нийт хэмжээ хоёр сая юань давсан хэмээн CCTV мэдээллээ.
Уг үзэсгэлэнд Өвөр Монголын 500 гаруй аж ахуйн нэгжийн 5000 гаруй бүтээгдэхүүнийг танилцуулжээ.
Түүнчлэн уг арга хэмжээний үеэр, интернет шууд дамжуулалт болон үзэсгэлэнгийн талбай дахь борлуулалтын хэлбэрийг уялдуулан бүтээгдэхүүнээ сурталчлан борлуулсан байна. Тодруулбал, үзэсгэлэнгийн талбайд 20 мянга гаруй хүн зочилсон бол интернет шууд дамжуулалтад 3 сая 500 мянга гаруй хэрэглэгч хандаж, нийт борлуулалт нь хоёр сая 140 мянган юаньд хүрчээ.
