Өвөрмонголын 100 гаруй хүүхэд “Найрамдал” зусланд амарна

Монгол, БНХАУ, ОХУ-ын аялал жуулчлалын сайд нарын анхдугаар хуралдаанаар гурван улсын хүүхэд залуучуудын танилцах аяллыг зохион байгуулахаар тогтсон. Энэ хүрээнд ӨМӨЗО-ы 100 гаруй хүүхэд залуус “Энхтайван Найрамдал, Залуу элч” уриан дор аяллаа хийж байна.

Манай улсад аялан ирж байгаа ӨМӨЗО-ы 100 гаруй хүүхэд залуус Бугат-Эрээн-Замын Үүд-Улаанбаатар гэсэн маршрутаар энэ сарын 1-6-ны хооронд аялах юм. Улаанбаатар хотод буусан даруйдаа аялагчид ОУ-ын хүүхдийн “Найрамдал” зусланд саатаж, амрагч хүүхдүүдтэй танилцан тоглож, өөр өөрсдийн соёл, уламжлал, ахуй соёлынхаа талаар мэдээлэл солилцох юм.