Вагоны үйлчлэгчид захиргааны арга хэмжээ авна

Улаанбаатар Төмөр замын суудлын вагон депогийн үйлчлэгч Эрээн-Улаанбаатар чиглэлд явахдаа БНХАУ-д үйлдвэрлэсэн 90 хайрцаг буюу 1080 ширхэг мэс заслын утсыг улсын хилээр хууль бусаар нэвтрүүлэхийг завджээ. Гэмт үйлдлийг Замын-Үүд дэх гаалийн газрын улсын байцаагч нар илрүүлж, таслан зогсоосон байна.

Тус хэргийг Төмөр замын цагдаагийн хэлтсийн Мөрдөн байцаах тасаг, Тээврийн прокурорын газар эрүүгийн хэрэг үүсгэж шалгасан ч учруулсан хохирол нь эрүүгийн хэргийн хохирлын хэмжээнд хүрээгүй тул хэрэгсэхгүй болгон захиргааны арга хэмжээ ногдуулахаар болжээ. Үйлчлэгч мэс заслын утсыг ажлын өрөөндөө нуусан байжээ.