Вакцины хоёр дахь тунг хийлгэх хүртэл халдвараас хамгаалах дэглэмээ баримтална

"Цагийн хүрд" мэдээллийн хөтөлбөр: Манай улс коронавирусний эсрэг 4 төрлийн вакцинаар иргэдээ дархлаажуулахаар төлөвлөсөн. Одоогоор БНЭУ-д үйлдвэрлэсэн “Астразенека” болон БНХАУ-д үйлдвэрлэсэн “Синофарм” вакцинаар дархлаажуулалт хийгдэж байна.

Өнөөдрийн байдлаар 139.936 иргэн вакцины эхний тунгаа тариулсан. “Астразенека” вакцин тариулсан иргэд хоёр дахь тунг 56 хоног, “Синофарм” вакциныг тариулсан бол 28 хоногийн дараа дараагийн тунг тариулна. Иргэд эхний тунгаа хийлгэчихээд тайвширч болохгүй гэж эмч анхааруулж байна.