Венесуэлд эсэргүүцэл үргэлжилсэн нэг сард 35 хүн амь үрэгдэж, 700 гаруй хүн хэлмэгджээ

Венесуэлд өнгөрсөн сарын эхээр эхэлсэн эсэргүүцлийн жагсаал цуглааны үеэр ганцхан сарын дотор 35 хүн амь үрэгдэж, 717 хүн хүнд, хөнгөн шархдаж, бэртэж гэмтсэн тухай мэдээ ирж байна.

Өмнөд Америкийн энэ орны ерөнхий прокурорын газар энэ тухай мэдээллээ. Ерөнхий прокурор Луиса Ортега Диас өнгөрсөн сарын 25-нд мэдээлэл хийхдээ 26 хүн амь үрэгдсэн тухай дуулгаж байсан. Тэгвэл түүнээс хойш 10-аад хүн амь үрэгдээд байна.

Энэ 35 хүний 18 нь буюу тал хувь нь байдал нэлээд хүндэрсэн нийслэл Каракас хотод болсон эсэргүүцлийн үеэр амь үрэгджээ. Амь үрэгдсэн хүмүүсийн дунд хууль сахиулах байгууллагын хоёр ажилтан, мөн насанд хүрээгүй дөрвөн иргэн байжээ.