Вьетнам авто засварын газруудыг шалгажээ

ШӨХТГ-аас нийслэлд үйл ажиллагаа явуулж буй Вьетнам авто засварын газруудад үнэ тарифаа ил болгох, үйлчлүүлэгчид баталгааны хуудас олгох зэрэг шаардлагыг хүргүүлсэн. Тус шаардлагын дагуу БЗД-ийн ЗДТГ-тай хамтран тус дүүрэгт үйл ажиллагаа явуулдаг есөн газрыг шалгахад хангалтгүй гэсэн дүгнэлт гарчээ. Учир нь дөрвөн газар үнийн мэдээллийг ил болгосон ч бусадаасаа хуулж тавьсан байжээ. Мөн жижиг машины хаалгыг 100-150 мянган төгрөгөөр, жийп машины хаалгыг 80-120 мянган төгрөгөөр засна гэсэн нь бодит үнэ биш тавьсан аж. Шалгалтаар нэг газрын үйл ажиллагааг хааж, визний зөрчилтэй хоёр вьетнам иргэнийг цагдаагийн байгууллагад шилжүүлжээ.