Вифлеемд зул сарын баярт зориулсан багт наадам боллоо

Ойрхи Дорнодод буюу Иордан голын баруун эргийн Вифлеем хотын гудамжинд жагсаал болсноор зул сарын баярын улирал эхэллээ. Энэ арга хэмжээнд Ариун газрын францискуудын тэргүүн Франческо Паттон оролцжээ.

Жагсаал Вифлеем хотын хамгийн эртний сүмийн нэг Христийн мэндэлсэн сүмийн дэргэд болсон байна. Зул сарын баяраар энэ сүмд дэлхийн өнцөг булан бүрээс сүсэгтнүүд олноороо ирдэг байна. Зул сарын баярын жагсаалыг ч бас олон хүн үзэж сонирхсон байна.