“XXI зуун дахь энх тайван судлал ба Монгол Улс” олон улсын хурал болно

ЮНЕСКО-гийн Монголын Үндэсний Комисс, МУИС-ийн Олон улсын харилцаа нийтийн удирдлагын сургууль болон ГХЭЗХАЯ хамтран “XXI зуун дахь энх тайван судлал ба Монгол Улс” сэдэвт олон улсын эрдэм шинжилгээний хурлыг энэ сарын 24-25-нд зохион байгуулах гэж байна.

Уг эрдэм шинжилгээний хурал нь энх тайван судлалын асуудлаар Монгол улсад болж буй анхны хурал гэдгээрээ ихээхэн ач холбогдолтой төдийгүй ЮНЕСКО-гийн 70 жилийн ой, "Энх тайван, хөгжил дэвшлийн төлөө дэлхийн шинжлэх ухааны өдөр"-ийг тохиолдуулан зохион байгуулагдах гэж байгаа аж.

Энэхүү олон улсын бага хурлаар олон улсын энх тайвны судалгааны өнөөгийн байдал, олон улсын энх тайвны үйлст НҮБ, ОУБ-ын гүйцэтгэж буй үүрэг, төлөв, ЗХА-д энх тайвны судалгааг хөгжүүлэхэд олон улсын төрийн бус байгууллагуудын гүйцэтгэж буй үүрэг, оролцоо хийгээд Монгол дахь энх тайвны судалгааны хөгжил, өнөөгийн байдлын талаар НҮБ-ын Монгол дахь суурин төлөөлөгчийн газар, Япон, АНУ, Канад, БНСУ, БНХАУ, Монгол улсын судлаач эрдэмтэд оролцох ажээ.