“Яаралтай тусламж үйлчилгээний нэгдсэн эмнэлэг” ирэх сард ашиглалтад орно

Монголд оношлох боломжгүй гэдэг шалтгаанаар гадны эмнэлгийг зорих иргэдийн тоог бууруулах зорилгоор “Яаралтай тусламж үйлчилгээний нэгдсэн эмнэлэг” болон “Үндэсний оношлогооны төв” байгуулах төсөл хэрэгжиж байна.

Сарын дараа буюу ирэх гуравдугаар сард Анагаахын шинжлэх ухааны их сургуулийн дэргэдэх “Яаралтай тусламж үйлчилгээний нэгдсэн эмнэлэг” ашиглалтад орно. Үүний дараа зун гэхэд “Үндэсний оношлогооны төв” иргэдэд үйлчилж эхэлснээр гадагшаа эмчлүүлж, оношлуулах шаардлагатай өвчнийг эсийн түвшинд оношлодог болно гэж Эрүүл мэндийн сайд Д.Сарангэрэл хэллээ.