Ядуурал жил ирэх тусам нэмэгдэж байгааг онцлов

Монгол Улсын ядуурлын гүнзгийрэлт буюу нэн ядуу иргэдийн тоо жил ирэх тусам нэмэгдэж байгааг судлаачид онцоллоо. Манай улсын нэн ядуу иргэд 2012 оноос 2013 оны хооронд 35.2 хувиар өссөн үзүүлэлттэй гарчээ. 2014 оны байдлаар Монгол Улсын нэн ядуу иргэн 1 сард дунджаар 90241 төгрөг, өдөрт 2911 төгрөгийн хүнсний болон хүнсний бус хэрэглээтэй байгаа юм. Энэ нь төр засаг болон олон улсын байгууллагын ядуурлыг бууруулах төсөл хөтөлбөрүүд үр дүнгээ өгөхгүй байгааг харуулж байна гэж Их засаг олон улсын их сургуулийг багш, судлаач Н.Алтанзул тодотголоо.