Ямаагаа хоёр ээлжээр төллүүлж байна

Цаг хүндэрч байгаатай холбоотой малчид малаа хавар аажуу эсвэл хоёр ээлжээр төллүүлэх болжээ. Тухайлбал, Өмнөговь аймгийн Сэврэй сумын малчин н.Мягмарбаатар сүүлийн 5 жил дараалан ямаагаа хоёр ээлжээр төллүүлж байна. Өөрөөр хэлбэл, нэг хэсгийг нь төллүүлэлгүй өнжөөнө.

Тэрбээр хоёр ээлжээр төллүүлснээр төл том товир болох, эх мал нь хавар зутрахгүй, мөн сувай орсон малын ноолуур сайн гардаг зэрэг олон талын ашигтайг ярьж байна.