Японд 430 зорчигчтой галт тэрэг цасанд боогджээ
Япон тэнгисийн эрэг дагуу орших Нигата мужид лхагва гарагаас эхлэн орсон цас оройн 22 цаг гэхэд зарим газартаа 100-150 см-т хүрсэн байна.
Мэдээллийн алба
Япон улсад цаг агаар муудаж, сүүлийн хоёр өдрийн турш их хэмжээний цас ороод байна. Тус улсын Япон тэнгисийн эрэг дагуу орших Нигата мужид лхагва гарагаас эхлэн орсон цас оройн 22 цаг гэхэд зарим газартаа 100-150 см-т хүрсэн байна.
Мужийн зорчигч тээврийн Шинжецү галт тэрэгний шугамаар оройн 19 цагаас тус мужаас Нагаока хот хүртэл зорчигч явсан зорчигч тээврийн галт тэрэг цас их орсны улмаас цасанд боогдож, 15 цагийн турш зогсчээ. Тухайн үед 4 тасалгаа бүхий галт тэргэнд нийт 430 зорчигч зорчиж явжээ.
Зүүн Японы төмөр замын удирдах газраас цасанд боогдсон зорчигчдод хоол хүнс, дулаан хөнжил зэргийг хүргэж өгсөн байна. Зарим зорчигчийг гэр бүлийнхэн нь ирж авчээ. Харин өчигдөр өглөө 9 цагийн байдлаар энэ галт тэргэнд 200 орчим зорчигч хүлээлтийн байдалтай байсан юм. Энэ галт тэрэгнээс гадна өөр 3 шугамаар зорчиж явсан галт тэрэг мөн адил цасанд боогджээ.
Аврах багийнхан болон төмөр замын компанийн удирдлагууд галт тэрэгний замыг цэвэрлэх, иргэдийн аюулгүй байдлыг хангах зэрэг ажлуудыг хийж гүйцэтгэлээ.
Нигата мужийн цаг уурын албанаас энэ долоо хоногийн туршид хур тунадастай байхыг анхааруулж байна.
