Японд интернэтгүй зуслан байгуулна

Японд интернэтэд донтсон хүүхдүүдийг эмчлэх зорилгоор тусгай зуслангууд нээхээр болжээ. Одоогийн байдлаар тус улсад хагас сая өсвөр насны хүүхдүүд интернэтэд донтоод байгаа юм байна.

Тусгай зориулалтын зуслангуудад интернэт, телевизор байхгүй бөгөөд сурагчдад видео тоглоомуудаар тоглохыг нь хүртэл хориглох аж. Харин төрөл бүрийн дугуйлан, секц, дамжаа ажиллах юм байна.Түүнээс гадна смартфон болон өөр бусад цахим техникийн хэрэгслийг ашигласан хүүхдээс торгууль авах ажээ.