Японд хүүхдийн хүчирхийлэл өсчээ

Японы эрүүлийг хамгаалах, хөдөлмөр, нийгмийн хангамжийн яамны мэдээлснээр 2014 онд тус улсад хүүхэд хүчирхийлэлд автсан, хүүхдүүдтэй харгис хэрцгий хандсан олон тооны тохиолдол бүртгэгджээ.

Өнгөрсөн онд орон даяар 89 мянган хүүхэд зөвлөгөө авах төвүүдэд хандсан байна. Энэ нь өмнөх оны үзүүлэлтээс 20.5 хувиар их байгаа юм. Тус яамны төлөөлөгчийн үзэж байгаагаар энэ үзүүлэлт өссөн нь хүүхэдтэй зүй бус харьцах, хүүхэд хүчирхийлэлд өртөх тохиолдолд илүү их анхаарал хандуулах болсонтой холбоотой гэнэ.