Японы Ерөнхий сайд ирэх оны эхээр ОХУ-д айлчилна

Японы Ерөнхий сайд Шинзо Абэ ирэх оны эхээр ОХУ-д айлчилж, энхийн гэрээ байгуулах асуудлыг хөндөж хэлэлцэхээр төлөвлөж байна. Энэ тухай "Киодо" агентлаг Ерөнхий сайд Шинзо Абэгийн мэдэгдлээс иш татан мэдээлсэн юм. Тэрбээр ОХУ-тай харилцаагаа сайжруулах үйл явцыг хурдасгахыг хүсч байгаагаа энэ үеэр мөн илэрхийлсэн байна.

Үүний зэрэгцээ өнгөрсөн 15-16-ны хооронд болсон ОХУ-ын төрийн тэргүүний айлчлалын үеэр хоёр орны төр засгийн тэргүүн энхийн гэрээ байгуулахад чиглэгдсэн чухал алхам хийж чадсан хэмээн үнэлж байгаагаа мэдэгдсэн байна.