Японы хүнсний “Нагатаниэн” компани озэки Асанояматай байгуулсан гэрээгээ цуцалжээ
“Нагатаниэн” компаниас “Сүмо бөхийн холбооны шийдвэрийг хүндэтгэн гэрээгээ цуцлахаас өөр аргагүй боллоо. Үнэхээр харамсалтай байна” гэж албан ёсоор мэдэгджээ.
Мэдээллийн алба
Японы хүнсний “Нагатаниэн” компани озэки Асанояматай байгуулсан зар сурталчилгааны гэрээгээ цуцалжээ. Асанояма нь хөл хорионы дэглэм зөрчсөн хэргээр Мэргэжлийн сүмо бөхийн холбооноос нэг жил барилдах эрхээ хасуулаад байгаа юм.
“Нагатаниэн” компаниас “Сүмо бөхийн холбооны шийдвэрийг хүндэтгэн гэрээгээ цуцлахаас өөр аргагүй боллоо. Үнэхээр харамсалтай байна” гэж албан ёсоор мэдэгджээ.
Тус компани Асаноямад 20 мянган ам.долларын үнэтэй ёслолын маваши хийж өгсөнөөс гадна барилдаан болгонд нь шагналын мөнгө олгодог байжээ. Мөн зар сурталчилгаандаа тоглуулах гэрээ байгуулсан аж.
