Язгуур урлагийн дэлхийн аваргууд энэ сарын 8-нд ирнэ

Язгуур урлагийн дэлхийн аварга шалгаруулах 3 дахь удаагийн тэмцээнээс алтан цом хүртсэн манай уран бүтээлчдийн баг энэ сарын 8-нд эх орондоо ирнэ.Тэмцээнд язгуур урлагийн“Домог” хамтлаг, “Улаанбаатар” , “Сүлд” чуулгын бүжигчид,уран нугараач, уртын дуучид баг болон оролцсон билээ. Харин одоо язгуур урлагийн мастерууд Австри улсад тоглолт хийж яваа гэнэ. Дэлхийд ганцхан манайх хэмээн омгорхох морин хуурын гайхамшигт аялгуун дор уртын дуу, уран нугаралт, уянгат хөөмий, увидаст биелгээгээрээ олон орны шүүгчдийн анхаарлыг татаж сонин, содон байж чадсан уран бүтээлчид ихийг бүтээх урам зориг, хүч чадлаар дүүрэн яваа нь лавтай.