ЮНЕСКО-гийн ерөнхий захирал улиран сонгогдлоо

ЮНЕСКО-гийн ерөнхий захирал Ирина Бокова НҮБ-ын соёлын тус агентлагийн тэргүүнээр дахин дөрвөн жил ажиллахаар боллоо. Тэрээр төсөв танасантай уялдуулан ЮНЕСКО-гийн үйл ажиллагааг цомхотгон, оновчтой зохион байгуулан ажиллахаа амласан байна. Тодруулбал, ЮНЕСКО-гийн төсвийн дөрөвний нэг хувийг гаргадаг байсан АНУ 2011 онд Палестиныг ЮНЕСКО өөрийн гишүүнээр хүлээн зөвшөөрсөнтэй холбоотойгоор хандиваа зогсоосон билээ. Үүний учир санал өгөх эрхээ алдсан АНУ ЮНЕСКО-гийн тэргүүний сонгуульд оролцоогүй юм.