ЮНЕСКО-гоос Батламж хүлээн авах ёслолын ажиллагаа болно

Соёлын биет бус өвийг хамгаалах ЮНЕСКО-гийн Засгийн газар хоорондын хуралдаанаар Хүн төрөлхтний соёлын биет бус өвийн төлөөллийн жагсаалтад манай улсаас “Монгол гэрийн уламжлалт урлал, зан үйл” өвийг хэлэлцэн оруулсан. Мөн ЮНЕСКО-гийн Яаралтай хамгаалах шаардлагатай соёлын биет бус өвийн жагсаалтад монгол түмний бичиг үсгийн гайхамшгийг илтгэх “Монгол уран бичлэг”-ийг бүртгэсэн. Тэгвэл өнөөдөр 11:40 цагт Монголын Хүүхдийн ордонд “Монгол гэрийн уламжлалт урлал, зан үйл”-ийг ЮНЕСКО-гийн Хүн төрөлхтний төлөөллийн жагсаалтад, “Монгол уран бичлэг”-ийг Яаралтай хамгаалах шаардлагатай Соёлын биет бус өвийн ЮНЕСКО-гийн жагсаалтад бүртгэн тунхагласан Батламж хүлээн авах ёслолын ажиллагаа болно.