З.Баянсэлэнгэ бүлгийн дэд дарга боллоо

УИХ дахь МАХН-МҮАН-ын “Шударга ёс” эвслийн бүлгийн дэд даргаар УИХ-ын гишүүн Сангийн яамны сайд Ч.Улаан ажиллаж байсан. Гэвч бүлгийн дэд дарга өчигдөр хуралдсан бүлгийн хуралдаан дээр ажил төрлийн ачаалал ихтэй байгаа учраас бүлгийн дэд даргаас чөлөөлж өгнө үү гэсэн хүсэлт тавьжээ.

Бүлгийн гишүүд дэд даргын хүсэлтийг хүлээн авсан бөгөөд дахин санал хурааж МАХН-МҮАН-ын “Шударга ёс” эвслийн бүлгийн дэд даргаар УИХ-ын гишүүн З.Баянсэлэнгийг томилсон байна. Өнөөдрөөс эхлэн УИХ-ын гишүүн З.Баянсэлэнгэ эвслийн бүлгийн дэд даргаар ажиллах юм.