З.Энхболд: Гишүүд ээ, гоё дээрээ тавиад ирээрэй

Бүгд Найрамдах Энэтхэг Улсын Ерөнхий сайд Нарендра Моди энэ сарын 16-18-ны өдрүүдэд Ерөнхий сайд Ч.Сайханбилэгийн урилгаар манай улсад төрийн айлчлал хийх гэж байгаа билээ.

Айлчлалын хүрээнд Энэтхэгийн Ерөнхий сайд УИХ-ын нэгдсэн чуулганы хуралдаанд үг хэлэх бөгөөд хүндэтгэлийн хуралдаан ирэх ням гарагт хуралдах юм. Харин өнөө өглөө чуулганы хуралдааны эхэнд УИХ-ын дарга З.Энхболд танхимынхаа гишүүдэд энэ талаар санууллаа. Гэхдээ эрхэм спикерийн гишүүдэд хэлсэн үг нь “Гоё дээрээ тавиад ирээрэй”.

Гишүүдийн инээдийг хүргээд авсан энэ үгийг уг нь УИХ-ын дарга тэдэнд хандаж “Ирэх ням гарагт хуралдах хүндэтгэлийн хуралдаанд хувийн ажлаа зохицуулаад, гоё дээрээ тавиад ирээрэй” хэмээн ажил хэргийн шинж чанартай дуулгасан юм.