Захуудыг нүүлгэнэ

Эмээлтэд “Авто худалдааны цогцолбор” байгуулахаар болжээ. Ингэснээр авто машин, техник, сэлбэгийн худалдаа эрхэлдэг Да хүрээ, Өгөөмөр, Техник импортын зах, Дизель хүрээ, Цахлай, Дако, Буян хурах, Сутай буянт гэсэн есөн захыг нүүлгэн, шинэ цогцолборт нэгтгэх боломж бүрдэх юм.

Энэхүү ажил нь Нийслэлийн Засаг дарга Э.Бат-Үүл ажлаа авсныхаа дараа “Нийслэл хотын замын түгжрэлийн нэгэн шалтгаан болсон томоохон зах, худалдааны төвүүдийг хотоос гаргах чиглэлийг барьж ажиллана” хэмээн мэдэгдэж байсан мөрийн хөтөлбөрт тусгагдсан ажил юм.