“Залуу малчдыг дэмжих аян” Баянхонгор аймагт үргэлжиллээ

УИХ-ын гишүүн, Монголын морин спорт, залуу уяачдын холбооны ерөнхийлөгч, Д.Гантулга “Залуу малчдыг дэмжих аян” эхлүүлсэн билээ.

Тус аяныг зохион байгуулагчид Баянхонгор аймагт өчигдөр ажиллаж, “Манлайллын ур чадвар” сэдэвт лекц тавьсан байна. Мөн ахлах ангийн сурагчид, Политехникийн коллежийн оюутнуудад “Мэргэжил сонголт, ажлын гараа” сэдэвт лекц зохион байгууллаа. Аяны хүрээнд Монгол поп чиглэлээр уран бүтээлээ туурвидаг “Увертюра” хамтлаг “Монгол минь” аялан тоглолтоо өргөн барьж, нэг залуу малчин айлыг сонгон, 50 эм төлөг авч өгч, малжуулахад гэрч болов.