Зам ашиглах явцдаа эвдрэл гэмтэл үүсгэхгүй байхыг анхаарууллаа

Дорноговь аймгийн Автотээврийн төвөөс Даланжаргалан сумын Засаг даргын Тамгын газартай хамтран тус сумын нутаг дэвсгэрт уул уурхайн ашигт малтмалын бүтээгдэхүүн /Чингисийн хар алт ХХК, Штайнколе ХХК, Билэгт баялаг ХХК, Фриендшип ресурсис ХХК, Алаг тогоо ХХК, Пауэрленд ХХК, Арвижих энерги ХХК, Говийн шилмэл зам ХХК, Давхар амжилт ХХК/ олборлогч, тээвэрлэгч аж ахуй нэгжийн уурхайн дарга болон холбогдох албан тушаалтнуудтай 2019 оны 04 дүгээр сарын 16-17-ны өдрүүдэд уулзалт зохион байгуулж, цаашид үйл ажиллагаа явуулахдаа ачаа тээвэрлэлтийн гэрээ байгуулах, зам ашиглах явцдаа эвдрэл гэмтэл үүсгэхгүй байхыг анхаарах, холбогдох хууль, тогтоомж, дүрэм, журам, стандартыг мөрдөж ажиллахыг үүрэг болголоо.