Зам тээврийн ослын улмаас гурван хүн нас баржээ
зам тээврийн ослын улмаас нийслэлд 11, орон нутагт 9 хүн гэмтсэний хоёр нь хүүхэд байна. Мөн зам тээврийн ноцтой ослын улмаас орон нутагт гурван хүн нас баржээ.
Мэдээллийн алба
Энэ сарын 2-4-нд Тээврийн цагдаагийн албаны жижүүрийн шуурхай удирдлагын төв нийт 867 дуудлага мэдээлэл хүлээн авснаас зам тээврийн ослын шинжтэй 560 дуудлага мэдээлэл бүртгэгджээ. Бүртгэгдсэн зам тээврийн ослын улмаас нийслэлд 11, орон нутагт 9 хүн гэмтсэний хоёр нь хүүхэд байна. Мөн зам тээврийн ноцтой ослын улмаас орон нутагт гурван хүн нас баржээ.
Үүнээс гадна гудамж замын хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодож хөдөлгөөнд оролцсон нийслэл, орон нутагт нийт 258 зөрчил илрүүлж учирч болох эрсдэлээс урьдчилан сэргийлсэн байна.
