Замын арчилгаанд зориулж 4.5 мянган тонн бодис, 3.6 мянган тонн давс нөөцөлнө

ЦАГИЙН ХҮРД: Өнгөрсөн шөнө орсон цас нийслэл Улаанбаатар хотын түгжрэлийг улам нэмэгдүүлж, тэг зогсолтод хүргэлээ. Өчигдөр хотын түгжрэл оройны 19 цагаас эхлээд шөнийн 01 цаг хүртэл үргэлжилсэн байна. Энэ нь замын ачаалал хэд дахин хэтэрснийг харуулж байгаагаас гадна хувь хүмүүсийн бэлтгэл хариуцлагатай холбоотой байжээ.

Техникийн бүрэн бүтэн байдлыг хангаагүй, зуны дугуйтай явсан жолооч нар түгжрэл үүсгэж, осол аваар ч гэсэн их гаргасан байна. Нийслэлийн захирагчийн албанаас мэдээлэхдээ энэ өвөл 4.5 мянган тонн бодис, 3.6 мянган тонн орчим давс нөөцлөхөөр өвлийн бэлтгэлээ базаасан байна. Хотын 7.6 сая метр зам талбайн цэвэрлэгээ, үйлчилгээг нийслэлийн 9 дүүргийн 21 төрийн үйлчилгээний компани гүйцэтгэж ажиллаж байгааг хэлсэн юм. /2020.10.31/