Зарим элчин сайд нарыг эргүүлэн татахаар боллоо

Засгийн газрын өнгөрсөн Бямба гарагийн хуралдаанаар зарим улсад суугаа Элчин сайд нарыг эргүүлэн татах, томилох асуудлыг хэлэлцлээ. Франц улсад суугаа Онц бөгөөд Бүрэн эрхт Элчин сайд Ш.Алтангэрэл, ХБНГУ-д суугаа Онц бөгөөд Бүрэн эрхт Элчин сайд Б.Даваадорж, Канад улсад суугаа Онц бөгөөд Бүрэн эрхт Элчин сайд Т.Залаа-Уул, Швейцарь улсад суугаа Онц бөгөөд Бүрэн эрхт Элчин сайд Л.Оргил нарыг эргүүлэн татахаар болжээ. Тэдний оронд Франц улсад М.Батсайхан, Германд Ц.Болор, Канадад Р.Алтангэрэл, Швейцарьт В.Пүрэвдорж нарыг элчин сайдаар томилуулахаар Монгол Улсын Ерөнхийлөгчид өргөн мэдүүлэхээр болжээ.