Зарим сургууль, цэцэрлэгийн барилгыг буулгана

Нийслэлийн Засаг даргын захирамжаар зарим сургууль, цэцэрлэгийн байрыг нураахаар болжээ. Тодруулбал, Мэргэжлийн хяналтын улсын байцаагчийн дүгнэлтээр цаашид ашиглах боломжгүй, насжилт ихтэй Баянгол дүүргийн 38, 73 дугаар сургууль, тус дүүргийн 47, 57, Баянзүрх дүүргийн 146, Сонгинохайрхан дүүргийн 26 дугаар цэцэрлэгийн хуучин барилгуудыг буулгах аж. Барилгуудыг буулгахад шаардагдах 906.6 сая төгрөгийг нийслэлийн энэ оны төсвийн газар чөлөөлөх нөхөн олговрын зардлаас гаргах юм.