Засгийн газар Хөвсгөл аймагт хуралдана

Шинэчлэлийн Засгийн газар энэ сарын 28-нд ээлжит хуралдаанаа Хөвсгөл аймагт хийхээр болсон байна. Тус аймагт хуралдахаар болсон гол зорилго нь Хөвсгөлийн төвийг нийслэлтэй хатуу хучилттай замаар холбох ажлын явцтай танилцах явдал аж.

Засгийн газрын гишүүд Булганы Хутаг-Өндөр сумын Уньт багаас Хөвсгөл аймгийн Тариалан сумын чиглэлд 88, Тариалангаас Мөрөн хүртэлх 165.3 км авто замын ажлыг хэсэгчлэн гүйцэтгэж байгаатай танилцах юм байна. Уньтаас Тариалан хүртэлх замыг ирэх аравдугаар сард хүлээлгэн өгөх бол Мөрөн-Тариалан чиглэлийн замыг энэ сард багтаан хүлээлгэн өгөх юм.