Засгийн газрын ээлжит хуралдаан боллоо

Засгийн газрын ээлжит хуралдаан өнөөдөр болж, дараах асуудлуудыг хэлэлцэн шийдвэрлэв. Үүнд:

• Соёл, урлагийн их сургуулийн Дүрслэх, дизайн урлагийн сургуулийг Монгол Улсын Төрийн шагналт, Ардын зураач Д.Амгалангийн нэрэмжит болголоо.

• Хууль сахиулах тухай хуулийн төслийг хэлэлцээд УИХ-д өргөн мэдүүлэхээр тогтов.

• Б.Батсайханыг Батлан хамгаалах яамны Төрийн нарийн бичгийн даргаар, Ю.Идэрцогтыг Хөдөлмөрийн яамны Төрийн нарийн бичгийн даргаар томиллоо.

• Байгаль орчин, ногоон хөгжил, аялал жуулчлалын сайд Н.Батцэрэгийн 2016 оны нэгдүгээр сарын 16-19-ний өдрүүдэд Испанийн Вант Улс, Холбооны Бүгд Найрамдах Герман Улсад хийсэн ажлын айлчлалын дүнг Засгийн газрын гишүүдэд танилцууллаа.