Завхан аймагт эхийн эндэгдэл буурчээ

Завхан аймгийн ЗДТГ, НҮБ-ын Хүн амын сангийн Хамтын ажиллагааны тав дахь хөтөлбөрийн энэ оны тайланг хэлэлцэж хурал хийжээ. Хурлаар Завхан аймагт тус хөтөлбөр хэрэгжсэнээр эхийн эндэгдэл эрс буурч, НҮЭМ-ийн зарим үзүүлэлт сайжирч, эх барих эмэгтэйчүүд болон нярайн нэн шаардлагатай багаж хэрэгсэл, тоног төхөөрөмжөөр хангагдсан талаар тайлагнасан байна. Мөн эх барих эмэгтэйчүүд, нярай, мэс засал, эс судлалын салбарын эмч нар интернэтийн сүлжээг ашиглан зөвлөх эмч нараас оношлогоо эмчилгээний талаар зөвлөгөө авах бүрэн боломжтой болоод байгаа аж.