Зэрлэг гахай ихээр агнах болжээ

“ЗИЛ-131” машины тэвшээр дүүрэн зэрлэг гахай агнаж ачсан этгээдүүдийг хилийн ажилтнууд аравдугаар сарын сүүлчээр илрүүлсэн. Тухайн үед БОНХЯ жилд зэрлэг гахай агнах зөвшөөрөл өгдөг гэх мэдээлэл гарсан. Харин албаны хүний мэдээлснээр

бол 2013 онд Засгийн газар тусгай зөвшөөрлөөр агнах, барих амьтдын жагсаалт батлахдаа гадаадын анчдаар 10 зэрлэг гахай агнуулахаар тогтоосон ч одоогоор нэг ч аж ахуйн нэгж энэ төрлийн зөвшөөрөл аваагүй аж. Харин дотооддоо зэрлэг гахай агнах зөвшөөрлийг тухайн аймгийн ИТХ олгодог. Ингэхийн тулд судалгаа хийж агнуурын нөөцөө тогтоож төлөвлөгөөгөө БОНХЯ-нд танилцуулдаг юм байна.