Зохиолч Р.Эмүжин багачууддаа зориулан зургаан ном хэвлүүлжээ

Зохиолч Эмүжин буюу Р.Энхтуяа хүүхдийн номын өдрийг тохиолдуулан багачууддаа зориулж, зургаан үлгэрийн ном хэвлүүлсэн байна. Энэ өдөр алдарт хүүхдийн үлгэрийн зохиолч Ханс Кристиан Андерсен мэндэлсэн юм. Зохиолч Эмүжин "Би эдгээр зургаан үлгэрийн номоо зохиолч, сэтгүүлч хүний хувиар бус ээж хүний үүднээс нийт монгол хүүхдүүдийнхээ оюун ухаанд бага ч болов нэмэр болохуйц зүйл хийхээр шийдсэний үндсэн дээр гаргасан юм" хэмээн ярилаа.