Золгүй байдлаар 13 хүн нас баржээ

Энэ сарын 28-29-нд шилжих шөнө цагдаагийн байгууллагад иргэд, аж ахуйн нэгж байгууллагаас гэмт хэргийн 137, зөрчлийн 496 дуудлага, мэдээлэл бүртгэгдэж, гэмт хэргийн шинжтэй 63 үйлдлийг холбогдох нэгжүүд шалган, 46 хэргийн эзэн холбогдогчийг илрүүлжээ.

Эдгээрээс Улаанбаатар хотод золгүй байдлаар нас барсан 13 хүн, дээрэмдэх гэмт хэрэг 4, булаах гэмт хэрэг 2, хүчиндэх гэмт хэрэг нэг, хулгайлах гэмт хэрэг 19, бусдын биед гэмтэл учруулах гэмт хэрэг гурав, танхайрах гэмт хэрэг долоо, зам тээврийн хэрэг найм, осол 12 гарч 10 хүн гэмтсэн байна.