Зорчигчдын ачаа тээш ариутгах, хадгалах, гаалийн үзлэг шалгалт хийх ажиллагааг камерын хяналт дор хийж гүйцэтгэж байна

Зорчигчдын ачаа тээш ариутгах, хадгалах, гаалийн үзлэг шалгалт хийх, хэрэглэгчид олгох үйл ажиллагааг ОБЕГ, ЗӨСҮТ болон ГЕГ-ын ажилтнуудтай хамтран ажиллаж камерын хяналт дор хийж гүйцэтгэж байна.

Онгоцноос буусан ачааг ариутгаж, 20 20-оор нь багцалж гялгар уутаар бүрж лацадсаны дараа гаалийн хяналттай бүсийн агуулахад хадгалж байгаа бөгөөд зорчигчдын ачааг 5 хоногийн дараа зорчигчдод утсаар мэдэгдсэний дагуу Нисэх буудлын аюулгүй байдал хамгаалалтын албаны хяналт дор Гаалийн ажилтнууд тусгай төхөөрөмжөөр шалгаж зөвшөөрсөн ачааг хуулийн дагуу олгож байна.

Иймд зорчигчид ачаа тээш хүлээн авахдаа сайтар шалгаж задарсан, алга болсон эд зүйл байвал санал гомдлоо ачаа хүлээлцэх үед гаргаж шалгуулна уу.

Эх сурвалж: МИАТ