Зургаан нэр төрлийн бүтээгдэхүүнийг экспортод гаргажээ

2016 онд Дархан-Уул аймгийн 5 аж ахуйн нэгж, байгууллага нь 6 нэр төрлийн бүтээгдэхүүнийг экспортод гаргажээ.

Үүнд:

- “Дархан Нэхий” ХК нь 47591 ш үхрийн хөх шир, 9988 ш сарлагийн хөх ширийг Тайланд, Итали, Испани улсад,

- "Таймлесс ХХК" нь 21736 ширхэг эсгий шаахай, эсгий олбогон бүтээгдэхүүнийг Норвеги улсад,

- “Баатарууд Тэнгэр” ХХК нь 593,3 тн адууны мах, 800 тн үхрийн мах,

- “Дархан Меат Фүүдс” ХХК нь 120 тн адууны мах, 20 тн үхрийн махыг ОХУ-ын Буриад улсад, 1225 тн адууны махыг БНХАУ-д,

- “Монгол Алтан Тос” ХХК нь 818900 ш ургамлын тосыг БНХАУ-д тус тус экспортлов гэж Дархан-Уул аймгийн Засаг даргын тамгын газраас мэдээллээ.