Зуслан, ногоон бүсийн их цэвэрлэгээг 7 хоногоор хойшлууллаа

Нийслэлийн зуслан, ногоон бүсийн цэвэрлэгээг Хотын ерөнхий менежерийн оны эхэнд баталсан хуваарийн дагуу энэ сарын 22-ны өдрийн бямба гарагт зохион байгуулахаар төлөвлөж, бэлтгэл ажлыг хангуулаад байсан юм. Гэвч тавдугаар сарын 22-23-ны өдрүүдэд эрс хүйтэрч, салхи секундэд 11-14м/с хүрч шуурах, бороо орох болсон төлөвтэй байгаа тул их цэвэрлэгээний ажлыг 7 хоногоор хойшлуулж, ирэх долоо хоногийн бямба гарагт хийхээр боллоо гэж Улаанбаатар хотын Захирагчийн ажлын албанаас мэдээллээ.