Зүүн Азийн хүүхдийн эрхийн чуулган болно

Хүүхдийн төлөө үндэсний газар, Хүний эрхийн үндэсний комисс, НҮБ-ын Хүүхдийн сангийн Монгол дахь Суурин төлөөлөгчийн газар, Япон улсын Хүүхдийн эрхийн Конвенцийн институц хамтран “Зүүн Азийн хүүхдийн эрхийн III чуулга уулзалт”-ыг наймдугаар сарын 23-24-ны өдрүүдэд Улаанбаатарт зохион байгуулна.

Тус чуулга уулзалтаар хүүхдийн тэвчишгүй хөдөлмөрийг устгах, хүүхдийн эрхийн хэрэгжилтийг хянахад төрийн болон ТББ-ын үүрэг оролцоо, хүүхдэд хүрэх хэвлэл мэдээллийн аюулгүй байдал, боловсролын хөтөлбөр, онцгой байдлын үед хүүхдүүдэд үзүүлэх дэмжлэг зэрэг хүүхдийн хөгжих, хамгаалуулах эрхийн асуудлыг хэлэлцэх ба Зүүн Азийн орнуудаас 50 гаруй зочид, төлөөлөгчид оролцох юм. Япон, Солонгос, Энэтхэг, Камбож, Индонез, Монгол зэрэг улс орны жишээн дээр төлөөлөгчид илтгэл тавьж, туршлагаа солилцох юм. Мөн чуулга уулзалтаар “Азийн хүүхдийн эрхийн Форум 2014” тунхаг бичгийг батлан, дараагийн чуулга уулзалт зохион байгуулах улс орныг товлоно.