Зүүнсалаанаас Хүннүгийн үеийн булш олдлоо

Зүүнсалааны Одонтын 23 дугаар гудамжнаас хүннүгийн үеийн булшнууд олдлоо. Өнгөрсөн хавар цагаан сарын үеэр ШУТИС-ийн багш доктор, профессор Л.Эрдэнэбаяр анх энд булш байгааг тогтоожээ. Харин өнөөдөр эрдэмтэн багш, судлаач, оюутны баг уг булшийг олдворлох ажлыг албан ёсоор эхэллээ. Эдгээр олдворыг хүннүгийн үеийн 15 жирийн иргэний булш гэж үзэж байгаа бөгөөд өмнө нь тоногдож ухагдсан болохыг тогтоожээ. Ер нь иймэрхүү булш манай нийслэлийн орчимд цөөнгүй байдаг талаар судлаачид хэлсэн юм.