Зуурмагийн машин бага оврын хоёр машин дээр унажээ

Өчигдөр Хан-Уул дүүргийн нэгдүгээр хорооны нутаг дэвсгэр буюу Нисэхийн байрнууд руу эргэх зам дээр 37-97 УНЯ дугаартай том оврын шавар зуурагч машин, 90-40 УНН улсын дугаартай Honda Civic болон 35-99 УНХ улсын дугаартай Chevrolet Cruz автомашинуудын дээрээс унажээ.

Зарим эх сурвалжийн ярьж буйгаар суудлын тэрэгнүүдэд жолоочоос өөр хүн яваагүй учир азаар хүний амь нас эрсдэж, гэмтэж бэртээгүй гэнэ. Харин шавар зуурагч машины жолоочийг гарган авахад хүндрэлтэй байсан төдийгүй оройн 21:00 цагийн үед онцгой байдлын албаныхан ухаангүй болсон жолоочийг гарган авч гэмтлийн эмнэлэг рүү явуулсан ажээ.