Зөөврийн рентген аппарат бэлэглэв
янзүрх дүүргийн Засаг даргын Тамгын газрын Цэргийн штаб болон Батлан хамгаалах товчооны даргын шийдвэрээр 2015 оны цэргийн дүйцүүлэх албаны мөнгөн төлбөрийн орлогоос дүүргийн Эрүүл мэндийн төвд зөөврийн рентген аппаратыг бэлэглэлээ.
Мэдээллийн алба
Нийслэлийн Засаг даргын Тамгын газрын Цэргийн штабаас энэ оныг Батлан хамгаалах бодлогын үндсийг сурталчлах, цэргийн насны залуусыг эмчлэн, эрүүлжүүлэх жил болгон зарласан билээ. Уг аяны хүрээнд Баянзүрх дүүргийн Засаг даргын Тамгын газрын Цэргийн штаб болон Батлан хамгаалах товчооны даргын шийдвэрээр 2015 оны цэргийн дүйцүүлэх албаны мөнгөн төлбөрийн орлогоос дүүргийн Эрүүл мэндийн төвд зөөврийн рентген аппаратыг бэлэглэлээ. 20 гаруй сая төгрөгийн өртөг бүхий рентген аппаратыг цэргийн насны залуусыг эрүүлжүүлэх, цэрэг татлагын товчооны эмнэлэгийн тасгийн хэвийн үйл ажиллагааг хангах зорилгоор тус эмнэлэгт хүлээлгэн өгч байгаа юм. Зөөврийн рентген аппараттай болсноор цэрэг татлагын үед гардаг эрүүл мэндийн үзлэг, оношлогооны ачаалал эрс багасна гэж үзэж байгаа хэмээн Цэргийн штабын дарга Ч.Цог онцлон хэлж байсан юм.
Дашрамд мэдээлэхэд, Монгол Улсын “Иргэний цэргийн үүргийн болон цэргийн албан хаагчийн эрх зүйн байдлын тухай хууль”-д заасны дагуу цэргийн албыг мөнгөн төлбөрийн хэлбэрээр орлуулан хаалгасан мөнгөн төлбөрийн орлогын 50 хүртэл хувийг орон нутгийн төсөвт, үлдсэнийг улсын төсөвт төвлөрүүлэн Батлан хамгаалах зорилгод зарцуулдаг аж.
