"Зөв тусгал" аянд уран бүтээлчид нэгдэж, шинэ дуу бүтээжээ

Хууль зүй, Дотоод хэргийн яам, Цагдаагийн Ерөнхий газар, Дэлхийн Зөн Олон улсын байгууллага, Гэр бүл хүчирхийлэл хүүхэд хамгааллын газар, Нэгдсэн үндэстний байгууллага, Хүүхдийн сантай хамтран "Зөв тусгал" хүүхдийн хөгжил, хүмүүжил, хамгааллын хөдөлгөөнийг улс орон даяар өрнүүлж байгаа билээ.

Энэхүү аянд төрийн болон төрийн бус байгууллага, иргэд хамт олноороо нэгдэж хүүхэд хамгааллын чиглэлээр олон ажлыг зохион байгуулж байна. Харин өнөөдөр Гэгээнтэн цогцолборт Зөв тусгал хөдөлгөөний шинэ уран бүтээлийн нээлт болж үзэгчид дүүрэн сэтгэл уран бүтээлийг хүлээн авлаа. Уг уран бүтээлийг дуучин Ука, Thunder нар хамтран бүтээж энэ хөдөлгөөнд нэгдэж байгаа талаар уриалсан юм.