ЗӨВЛӨМЖ: Хүүхдийг тээврийн хэрэгслээр тээвэрлэхдээ хүүхдийн хамгаалалтын суудал хэрэглээрэй

Баярын өдрүүдэд хүүхдийг тээврийн хэрэгслээр зөв тээвэрлэхдээ хүүхдийн насны онцлогт тохирсон зориулалтын суудал, суудлын бүсийг хэрэглээрэй.

Суурин газарт суудлын таксигаар хүүхдийг тээвэрлэх тохиолдолд дээрх шаардлагыг биелүүлэх боломжгүй бол насанд хүрсэн хүн өвөр дээрээ тэвэрч зөвхөн арын суудалд авч яваарай.

Хүүхдийн өндөр 140 см-ээс дээш бол суудлын автомашины арын суудалд зорчигчийн хамгаалах бүс зүүлгэн тээвэрлээрэй.

Монгол улсын замын хөдөлгөөний дүрмийн 23.8 дахь хэсэг:“Суудлын автомашинд болон ачааны автомашины жолоочийн бүхээгт 10 хүртэлх насны хүүхдийг тээвэрлэхдээ биеийн жин, өсөлтөд нь тохирсон зориулалтын нэмэлт суудал буюу хамгаалах хэрэгсэл ашиглана. Хүүхдийн нэмэгдэл суудал, хамгаалах хэрэгсэл нь MNS ISO 13216 (хүүхдийн хамгаалах систем) стандартын шаардлагад нийцсэн байх бөгөөд түүнийг тээврийн хэрэгсэлд байрлуулж ашиглахдаа үйлдвэрлэгчээс тогтоосон зааврыг баримтална.” гэж заасан байдаг.