Зөвшөөрөлгүй барилгын цэвэр усны холболтоос болж айлуудын ус тасарчээ

Энэ сарын 3-4-ний өдрүүдэд Дорнод аймгийн төвийн зарим байр, ААН-үүдийн ус татарсан байна. Шалтгааныг тодруулахад аймгийн төвийн Орон сууцны 2-р байрны урд зөвшөөрөлгүй баригдаж буй 10 давхар барилгын цэвэр усны холболтыг хийж байхдаа цэвэр усны төв худагт ус алдуулснаас ус тасарсан байжээ. Үүнтэй холбогдуулан тус барилгыг барьж буй компанид хариуцлага тооцохоор болсон байна.