10 жил хүлээсэн “Содон аялгуу” тун удахгүй...

МУУГЗ, хөгжмийн зохиолч Ц.Чулуунбат их урлагт зүтгэсэн 40 жилийнхээ ойд зориулан уран бүтээлийн бие даасан тав дахь тоглолтоо “Содон аялгуу” нэртэйгээр 9 дүгээр сарын 27, 28-нд "Улаанбаатар палас"-ын концертын их танхимд хийх гэж байна.

200 гаруй хүн оролцож буй амьд хөгжмийн тоглолтын найруулгыг Н.Халиун хийх бол С.Гантөмөр, Ц.Байдраг, Ц.Алтангэрэл, Д.Мөнхболд, Ю.Батпүрэв нарын хөгжимчид тоглох юм. Гурван цаг гаруй үргэлжлэх түүний тоглолтод “Харанга”, “Чингис хаан”, “Никитон”, “Sweetymotion”, “Гурван охин” хамтлаг, Б.Баярцэцэг, гавьяат жүжигчин Т.Ариунаа, Б.Сарантуяа, Ж.Алтанцэцэг тэргүүтэй уран бүтээлчид оролцож, содон аялгууг хүргэх юм.