100 гаруй сурагч цэц мэргэнээ сорино

БХТН-ийн Техник спортын төвд өнөөдөр өсвөрийн мэргэн буучдын хийн буудлагын тэмцээн болно. Энэхүү тэмцээн нь уламжлал болгон олон жил зохиогдож ирсэн боловч сүүлийн жилүүдэд тасраад байсныг Нийслэлийн Боловсролын газар, Техник спортын төв хамтран эргэн сэргээж байгаа юм.

Энэ тэмцээнээс Монгол Улсын Гавьяат тамирчин Д.Мөнхбаяр, ОУХМ Д.Оюун зэрэг олон арван шилдэг тамирчин төрж гарсан юм. Тэмцээнд 14 багийн 100 гаруй сурагч хийн урт бууны нэгдүгээр дасгалаар цэц мэргэнээ сорино.