2024 оны Олимпийн төлөө таван хот өрсөлдөнө

Олон улсын олимпийн хороо (IOC) зуны олимпийн XXXIII наадмын төлөө өрсөлдөх таван хотын нэрийг зарлалаа. Эдгээр хотууд бол Унгарын Будапешт, Германы Хамбург, АНУ-ын Лос-Анжелес, Францын Парис, Италийн Ром ажээ.

2017 онд Перугийн нийслэл Лимад болох Олон улсын олимпийн хорооны 130 дугаар чуулганаар олимпийн нийслэл болох азтай хотыг тодруулна. Сонирхуулахад 2024 оны олимпийг зохиох эрхийн төлөө АНУ-ын Бостон, Канадын Торонто өрсөлдөж байсан ч нэр дэвшигчдийг эцэслэн зарлахын өмнө нэрээ татжээ.